 |
БелаПАН | 15:08, 28 верасня 2012
Пра гэта 28 верасня на прэс-канферэнцыі заявіла начальнік аддзела каардынацыі дзейнасці кантралюючых органаў Камітэта дзяржаўнага кантролю Данута Рыжыкава. Прэс-канферэнцыя была прысвечана ўказу прэзідэнта № 332 «Аб некаторых мерах па ўдасканаленні кантрольнай дзейнасці ў Рэспубліцы Беларусь», што набудзе моц 1 кастрычніка.
Дакумент прадугледжвае скарачэнне колькасці кантралюючых органаў і адпаведна праверак.
Паводле слоў Рыжыкавай, ужо цяпер з каардынацыйнага плана праверак на другое паўгоддзе гэтага года выключана 390 праверак. «Указ скіраваны менавіта на скарачэнне праверак і кантралюючых органаў, але гэта праца не аднамомантная, а пастаянная, і яна зараз будзе даваць практычныя вынікі», — лічыць спецыяліст.
Як адзначыў начальнік галоўнага экспертна-прававога ўпраўлення КДК Васіль Герасімаў,
на ўзгадненні знаходзіцца праект закона аб унясенні змяненняў у Адміністрацыйны кодэкс, «які прадугледжвае кардынальныя змяненні, у тым ліку ў частцы падаткаў».
Як растлумачыў спецыяліст, «прыбіраецца ніжняя планка, тым самым з’яўляецца магчымасць улічваць усе акалічнасці і не караць вялікімі штрафамі за фармальныя парушэнні». У большасці выпадкаў будзе адказваць не юрыдычная асоба, а пэўная службовая асоба. Акрамя гэтага ўводзіцца паняцце «папярэджанне», якое прадугледжвае магчымасць абысціся без штрафаў.
«Мы мяркуем, што ў сувязі з указам № 322 колькасць штрафаў павялічыцца, таму што мы атрымалі магчымасць штрафаваць службовых асоб, якія парушылі парадак прызначэння праверак, у незалежнасці ад таго, прызнана ці не праверка незаконнай, паскардзіўся суб’ект прадпрымальніцтва ці не», — адзначыла Рыжыкава.
Паводле даных КДК, за студзень-жнівень 2012 года колькасць праверак знізілася ў 1,5 разу ў дачыненні да аналагічнага перыяду мінулага года, а колькасць паступленняў грашовых сродкаў у бюджэт павялічылася ў 1,2 разу.
Паводле меркавання старшыні Беларускага саюза прадпрымальнікаў Аляксандра Калініна, указ аб удасканаленні кантрольнай дзейнасці палепшыць дзелавое асяроддзе.
Паводле яго слоў, прадстаўнікі дзелавой супольнасці бралі ўдзел у распрацоўцы дакумента, «выказвалі вельмі шмат заўваг». «У выніку прыняты дакумент, які захоўвае баланс паміж інтарэсамі дзяржавы і прадпрымальніцкіх колаў. Асобна адзначу скіраванасць кантрольнай дзейнасці на прадухіленне і прафілактыку правапарушэнняў. Ствараецца асаблівы спрыяльны рэжым для добрасумленных прадпрымальнікаў», — лічыць кіраўнік саюза.
Паводле меркавання Калініна, «становіцца бессэнсоўным утойваць выручку і заніжаць падаткі». «Добрасумленным прадпрымальнікам стане лягчэй, жулікам — больш складана», — канстатаваў ён.
Беларусь
|
|
НА ОБУЧЕНИЕ «1С»